| NUDD-vellíðan |
| Ertu slæm/-ur í baki, herðum eða öðrum líkamshlutum? Ertu með króníska beinhimnubólgu? Ég býð upp á einstaklingsmiðað nudd sem getur verið hvort sem er kröftugt eða slakandi allt eftir þínum þörfum og vilja. Ég býð upp á 60-90 mínútna klassískt heilnudd, íþróttanudd, triggerpunkta meðferð, slökunarnudd, heildrænt nudd, sogæðanudd, ilmolíu meðferð, partanudd auk heilunar. Nýtt-nýtt Býð nú einnig upp á 90 mínútna heitsteina nudd Hringdu til að fá upplýsingar um verð á öðrum nuddum. Hringdu í mig eða sendu SMS og pantaðu tíma Erlendur Magnús Magnússon heilsunuddari og heilari. S: 5667748 og 6920858 Hef opnað Heilsu og Hamingjulindina Lágafellslaug, Mosfellsbæ Tölvupóstur: liljaogelli@internet.is Eftirfarandi upplýsingar eru m.a. fengnar af heimasíðu Nuddskóla Íslands og úr námslýsingu á viðbragðspunktum eftir Ríkharð Má Jósafatsson Doctor of Oriental Medicine og Nuddfræðing Klassískt vöðvanudd Klassískt vöðvanudd er samheiti á ýmsum formum vöðvanudds, sem m.a. miða að því að mýkja vöðva og örva blóðrás; það er e.t.v. betur þekkt undir heitinu sænskt vöðvanudd. Með klassísku nuddi er leitast við að mýkja vöðva og hjálpa til með blóð- og sogæðavökva. Svæðanudd Svæðanudd er meðhöndlunaraðferð kennd við Dr. William Fitzgerald. Svæðanuddið byggir á þeirri kenningu að í fótum séu svæði sem samsvara til ákveðinna líffæra og hafi þar með áhrif á ákveðna líkamsstarfssemi. Með því að nudda eða þrýsta á þessi viðbragðssvæði getur nuddið dregið úr spennu hjá þeim sem nuddaður er. Þannig getur svæðanuddið stuðlað að endurnýjun líkamsþróttar. Aðalávinningur svæðanuddsins er slökun og vellíðan, það dregur úr spennu og örvar blóðrásarkerfið. Íþróttanudd Segja má að íþróttanuddi sé sérhæfð útgáfa á hinu hefðbundna klassíska vöðvanuddi, sem oft hefur verið nefnt sænska nuddið. Beitt er þeim aðferðum sem henta íþróttaiðkendum hvort er, fyrir keppni, í keppni svo og eftir keppni er lokið. Heildrænt nudd Lögð er áhersla á heildræna hugsun og þá heimspeki sem liggur henni að baki. Samspil orku og efnis. Nuddið sameinar skilning á þessu tvennu. Hægt er að fá heildrænt slökunarnudd eða heildrænt djúpnudd. Viðbragðspunktar Viðbraðgðspunktar í vöðvum eru kallaðir triggerpunktar. Vöðvar eru 40% af líkamsþyngd mannsins og getur sérhver vöðvi borið Triggerpunkta. TP er mjög viðkvæmur staður í vöðva eða nærliggjandi vöðvasamsetningu. Punkturinn er aumur við snertingu og getur valdið sársauka eða leiðni til nærliggjandi svæða. TP myndast þannig að ef vöðvi verður fyrir hnjaski eða áreiti getur það valdið breyttum efnaskiptum við samdrátt vöðva og þrengt að blóðrás. TP geta hrjáð fólk á öllum aldri vegna afleiðinga mikillar vinnu, slysa eða kulda. Sogæðanudd Sogæðanudd getur örvað súrefnisríkt blóðflæði til stífra vöðva og aukið virkni sogæðakerfis og þ.a.l. losun úrgangs og eiturefna frá þeim.Það vekur upp parasympatiska taugakerfið og framkallar slökun. Ilmkjarnaolíur og ilmolíumeðferð Ilmolíur hafa verið notaðar til lækninga um árþúsundir. Lækningamáttur ilmkjarnaolía er m.a. sótthreinsandi vinna gegn veirum vinna á og koma í veg fyrir bólgur (m.a. beinhimnubólgu sem hrjáir fjölmarga íþróttamenn) vinna gegn sveppasýkingu koma í veg fyrir sýkingu auka jafnvægi minnka streitu örva, fjörga, hafa áhrif á hormónastarfsemi efla ónæmiskerfið og margt fleira. Vöðva og hreyfifræði eða kinesiologia Hún byggir á orkubrautum líkamans og nálastungupunktum, þar sem leitast er við að finna hvað veldur ójafnvægi og rétta það. Kennarar mínir við Nuddskólann voru: María Norðdahl, svæðanudd, Finnbogi Gunnlaugsson, klassískt nudd, Fjóla Rut Rúnarsdóttir, heildrænt nudd, Guðbrandur Einarsson, íþróttanudd, Margrét Alice Birgisdóttir, sogæðanudd og ilmolíumeðferð, Ríkharður M. Jósafatsson, viðbragðspunktar, Örn Jónsson, vöðva og hreyfifræði og Kristján Viðar meistari minn. Heim |
 |
 |
