Hofsjökull, aðalorkustöð Íslands

Ritað í júní 1999 Mikilvægi orkustöðvarinnar fyrir mannkyn. Lega lands okkar á miðjum Atlantshafshryggnum á milli tveggja heimsálfa er ákaflega mikilvæg fyrir plánetuna og mannkyn. Í Hofsjökli er staðsett gríðarmikilvæg orkustöð.  Aðrar mjög mikilvægar orkustöðvar á jörðinni eru m.a. Giza, Glastonbury, Kalish, Macha Pichu og Armageddon.  Þessar stöðvar halda orkunni fyrir aðalorkunet jarðarinnar.  Þetta orkunet  samanstendur af orkulínum sem næra Móður jörð lífi rétt eins og orkubrautir mannslímamans næra okkur.  Hofsjökull og þær verur sem búa undir jöklinum í fimmtu víddinni, ísfólkið, og haldið hafa orkunni, hafa í langan tíma verið óafskiptar.  Nú þarfnast þessar verur aðstoðar til að hækka orkutíðnina um nokkur stig.  Mikilvægi þessa fyrir alla Jörð er mikið þar sem héðan liggja tengingar bæði til Evrópu og Ameríku gegnum líkama Móður jarðar.  Þessi orkustöð heldur nokkrum þeirra kóða sem munu hraða þróun á jörðu mikið.  Nú þegar hefur nokkurt starf verið unnið af Haridasi Melchizedek og félögum hans til að virkja þessa kóða m.a. í Skotlandi, Frakklandi og Hollandi.  Aðrir hópar eru að störfum í Tíbet núna og enn annar hópur hefur nýlokið starfi í Ísrael.  Haridas hefur fengið leiðbeiningar um að nú sé tími  Hofsjökuls kominn og til að virkja þessa orkustöð er nauðsynlegt fyrir hann að koma hingað og fara upp á jökul ef nokkur kostur er.  Skoðum nánar hvaða þýðingu ljós og kærleiksvirkjun Hofsjökuls getur haft á Jörðina og mannkyn.  Orkunet jarðar mun byrja að starfa með meiri samhljómi og í stað þess að 4-5 svið séu virk mun stór hluti netsins hafa 6-7 virk svið.  Þetta þýðir að allt mannkyn mun hafa allar orkustöðvar líkama síns virkar frá rótarstöð til hvirfilstöðvar.  Þetta breytir miklu fyrir allt og alla og uppljómunarferlið , það er samruni sálar/sjálfsvitundar og líkama verður auðveldari þar sem margir vinna úr tilfinningamálum sínum. Eftirmáli. Haridas Melchizedek kom til landsins nú í júní 1999  ásamt Kathleen Murrey til að halda kristalla námskeið og virkja meginorkustöð landsins, Hofsjökul.  Auk þess sem Reykjavík var virkjuð sem borg ljóssins. Upplýsingar þessar koma frá Haridasi Melchizedek sem unnið  hefur að jarðarheilun og hreinsun og virkjun orkustöðva víða um heim á undanförnum áratugum. Lilja Petra Ásgeirsdóttir og Erlendur Magnús Magnússon, aðstandendur Shamballasetursins, fræðslu og heilunarmiðstöðvar, Mosfellsbæ. Sími 5667748, email liljaogelli@islandia.is Heim   Shamballa Ýmsar greinar    Jarðarheilun    Hrifkjarnar   Námskeið    Aðalsíða